We Gduńskù na Przédnym Gardze òdbiwają sã naje cotidzeniowé zéńdzenia (nôczãscy we czwiôrtk ò 6 pò pôłnim), na jaczich òbgôdiwómë òrganizacjowé sprawë, szëkùjemë rozegracëje, kôrbimë wkół sprawów tikającëch sã kaszëbiznë. To téż tuwò rëchtowóné są pòtkania, pòùczi i prelekcëje prowadzoné bez rôczonëch gòscy. Najô adresa to:

Drëgą (terenową) sedzbą Pòmòreńców je kaszëbskô Chëcz w Łątczińsczi Hëce. Môlã pòtkaniów, rozegracëji, diskùsjów, pòspólnégò òdpòczinkù. „Magiczny” plac, na gwës jeden z nôwiãkszich skarbów, jaczé mają Pòmòreńcowie.

Łątczińskô Hëta 115 83-335 Bòrzestowò

Ryc. M.Lemańczyk

Nôlżi trafic do Chëczë aùtobùsã z Kartuz do Wigòdë (gm. Stãżëca). Jinszą mòżlëwòtą je dojôzd aùtobùsã do Miechùcëna abò Bòrëcëna. Z Wigòdë nót je jic piechti (kòle 1 km) òd kòscoła w czerënkù lasa. Z Miechùcëna abò Bòrëcëna prowadzy përznã dłëgszô droga (7-8 km). W wëpôdkù tôklów z trafienim pëtôj ò „Chëcz Pòmòreńców” abò gbùrstwò wastwa Janków.